ખાનગી હવામાન એજન્સી સ્કાયમેટે ચાલુ વર્ષે ભારતમાં ચોમાસુ સામાન્ય રહેવાની આગાહી કરી છે. દેશમાં આ વર્ષે જૂનથી સપ્ટેમ્બર વચ્ચેના સમયગાળામાં 868.6 મીમીના લાંબા ગાળાના સરેરાશ 102 ટકા વરસાદની આગાહી કરી છે. જોકે આ આગાહીમાં પાંચ ટકાનો તફાવત જોવા મળી શકે છે. આમ દેશમાં ચાલુ વર્ષે ચોમાસા દરમિયાન લાંબા ગાળાની સરેરાશના 96-104 ટકા વરસાદ આવી શકે છે. 12 જાન્યુઆરી 2024એ પણ કરેલી આગાહીમાં સ્કાયમેટે સામાન્ય વરસાદની આગાહી કરી હતી અને તેને જાળવી રાખી છે.
સ્કાયમેટે જણાવ્યું હતું કે અલ નીનોમાંથી ઝડપથી લા નીનામાં પરિવર્તનને કારણે સિઝનની શરૂઆત અલગ સ્થિતિ જોવા મળી શકે. આ ઉપરાંત સીઝન દરમિયાન વરસાદના વિતરણમાં વિવિધતા અને અસમાનતા જોવા મળી શકે છે.
સ્કાયમેટના મેનેજિંગ ડાયરેક્ટર જતિન સિંહે જણાવ્યું હતું કે “અલ નીનો ઝડપથી લા નીના તરફ આગળ વધી રહ્યો છે અને લા નીના વર્ષો દરમિયાન ચોમાસા વધુ મજબૂત બનવાનો ટ્રેન્ડ છે. આ ઉપરાંત, સુપર અલ નીનોમાંથી મજબૂત લા નીનામાં પરિવર્તન થઈ રહ્યું છે. ભૂતકાળમાં જોવા મળ્યું છે કે આવા પરિવર્તન દરમિયાન ચોમાસુ સારું રહે છે. જોકે અલ નીનોની બાકીની અસરોને શરૂઆતમાં અવરોધનું જોખમ છે, સીઝનના બીજા તબક્કામાં પ્રથમ તબક્કાની સરખામણીમાં ઘણી સારી સ્થિતિ રહેશે.
સ્કાયમેટને દક્ષિણ, પશ્ચિમ અને ઉત્તરપશ્ચિમ પ્રદેશોમાં “પૂરતા પ્રમાણમાં સારા વરસાદ”ની અપેક્ષા રાખે છે.“ મહારાષ્ટ્ર અને મધ્યપ્રદેશના ચોમાસા પર નિર્ભર મુખ્ય વિસ્તારોમાં પૂરતા પ્રમાણમાં થશે. પૂર્વીય રાજ્યો બિહાર, ઝારખંડ, ઓડિશા અને પશ્ચિમ બંગાળમાં જુલાઈ અને ઓગસ્ટના ચોમાસાના પીક મહિના દરમિયાન વરસાદની ઘટનું જોખમ રહેશે. ઉત્તરપૂર્વ ભારતમાં સિઝનના તબક્કા દરમિયાન સામાન્ય કરતાં ઓછો વરસાદ પડવાની શક્યતા છે.
